Billboard dinamik

Jeta ne ditet e sotme eshte kthyer ne nje parade gjigande komerciale.
Ne nje billboard dinamik.

Reklamat e varura ne kete billboard jane fragmentet e saj , teksa imazhet e zbukuruara dhe shpresedhenese , te shumeditura e te para ne reklamat rendom ndryshojne sipas rastit.
Kryesisht kane te bejne me vlerat,zakonet, ndjesite e jetes.

Sa me shume polemika te shkaktojne,sa me shume mendje te trazojne,sa me shume perdellim dhe emocione te permbajne aq me mire per to sigurisht.Aq me shume vlere dhe fuqi , aq me shume kredi do te fitoje produkti i reklamuar.Aq me shume do te rritet probabiliteti qe te kthehet ne nje mit.
Rendesia e produkteve ne kohet tona ka marre dimesione te çuditshme.Ato jane tashme dhe me te rendesishme se jeta vete.

Me kalimin e koherave, zhvillimin e teknologjise dhe permiresimin e mireqenies , sigurisht qe dhe njerezit , edhe deshirat e tyre per luks jane sofistikuar.
Nuk eshte me aq e lehte tashme te ndjellesh çudi e kersheri apo te bukosesh babezine e pergjithshme ndaj luksit e madheshtise.
Çdokush eshte kaq thelle i zhytur ne kerkimin e gjese unike , qe e sheh si te denje vetem per veten e vet.Pasi te jesh unik ne ditet e sotme nuk eshte vetem arsye krenarie por edhe fitim statusi.

Duke qene keshtu edhe reklamimi i çdo lloj sherbimi nuk ka sesi te mos jete me i rafinuar, i paqendrueshem,i ndryshueshem.Si rrjedhoje duket se fusha ku kjo tregti nuk do te ngelet asnje here ne balte eshte jeta vete!
Ku tjeter valle do te mund te gjendet me shume lekundshmeri e rrjedhshmeri sesa ne jeten e elementet baze themeluese te saj?
Ne te tera keto reklama synimi baze eshte jeta ideale , e bukur dhe pa andralla e arritur sigurisht fale ketyre produkteve ne fjale.

Por ne fakt jeta s'eshte tjeter veçse subjekti shtyes , njekohesisht dhe elementi mashtrues apo efekti trullues e symbylles i qellimit komercial.
Ironia dhe ajo qe te pezmaton eshte se synohet gjoja per idealen e jetes nderkohe qe ne te vertete kjo jete dhe çdo element i saj qe e ben ate te rendesishme dhe te pazevendesueshme perdhosen dhe digjen keqazi nen zjarrin komercial.

Nje i semure i pashprese me kancer , i cili eshte duke ndjekur kuren kemoterapike , merr nga i njejti spital nje sms per sherbime spa-je ku eshte nenvizuar me shkronja kapitale se ofrohet 10% ulje ne raste rregjistrimesh kohegjata !
Nje te paralizuari i vijne sms nga nje kurs tangoje , teksa nje anoreksike dyndet me sms sherbimesh perrallore humbjesh ne peshe!

Te tera keto te mesipermet jane bere sigurisht ne menyre te paqellimte "ku rafsha mos u vrafsha" ne kerkim te potencialit te klientave sado i ulet qofte ky per tu arritur.
Duke kerkuar me ngulm te ngecet diku , te gjeje nje te krisur ku te struket , me çfaredo lloj çmimi pa marre parasysh efektet anesore apo ato te mevonshme.
Jeta eshte kthyer ne nje trampoline , ne nje skllave te deshirave tona te konsumimit!
Mbase ka ardhur koha qe ta ndalojme kete sadopak duke kontrolluar se pari egot tona dhe me tej çmendurine e konsumit te pakontrolluar dhe te kerkimit te se ideales boshe..

Sepse jeta eshte gjetiu!

p.s: ne video eshte fragment nga filmi "rekuiem per nje enderr" i Darren Aronofsky film ne te cilin paraqitet shume bukur katastrofa e krijuar prej manise se siperpermendur.eshte nje film i mrekullueshem qe jua rekomandoj megjithse ma do mendja se shumica juaj e keni pare pasi ka disa vite qe ka dale dhe ka fituar shume çmime ne festivale te ndryshme.