Previously on my instagram

Previously on my instagram

Pro fotografise dixhitale apo analoge?

Kjo eshte nje teme qe kam kohe qe kam dashur ta hap. Ka shume debate ne kete teme dhe shumekush ka mendimet e tija ne kete aspekt. Djathtas po hap dhe nje ankete per te marre dhe mendimin tuaj . Disa kene mendime shume strikte , disa diçka me te toleruar.
Megjithse mendoj se nese kjo pyetje do te behej para disa vitesh , nuk do te kishte vend per anketen sepse do te kishte vetem nje pergjigje te vetme ( si puna e shqiptareve ne komunizem qe votonin megjithse kishte vetem nje parti:) Sigurisht qe te tere do te zgjidhnin vetem makinen analoge.
Ndersa tashme kohet kane ndryshuar.
Makinat dixhitale sa vijne dhe persosen nga te tera aspektet, si teknike ashtu dhe pamore.Sigurisht qe ende nuk kane arritur ne perfeksionimin e makines analoge (psh makinat dixhitale ende nuk i paraqesin dot te tera nuancat e mgjyrave).Por sidoqofte keto diferenca kualiteti sa vijne dhe ngushtohen nga dita ne dite.

Sigurisht qe kam nje respekt te veçante dhe i adhuroj punet e bera me film.
Por duhet pranuar fakti se ne ditet e sotme , punimi me nje aparat analog me film nuk eshte dhe aq i lehte apo praktik.Madje eshte shume i veshtire dhe lodhshem.Ne te njejten kohe nuk eshte ekonomik.
Ne kohet e sotme , ku çdo fushe dhe çdo aspekt ka perftuar nje shpejtesi dhe ndryshueshmeri te pandalueshme , ku çdo ide dhe vlere merr nje drejtim perhere e me siperfaqesor ,detyrimisht edhe preferencat dhe shikimi ndaj botes do te marre permasa te tjera.
Pasi fotografia eshte diçka dinamike, ajo vlen per te paraqitur apo "paralizuar" çaste te jetes, te boteve tona apo te shume gjendjeve te tjera te pashpjegueshme dot me fjale.

Mjaft fotografe te njohur dhe te vjeter kane folur pozitivisht ne kete teme.Shume prej tyre kane pohuar se perdorin me tere qejf aparatet dixhitale madje disa prej tyre lavderojne se tepermi edhe kamerat e vogla (jo dslr) per arsye te prakticitetit qe ato i dhurojne duke i falur keshtu momente qe ato do te donin ti kapnin , por qe me nje makine analoge do te kishte qene shume me e veshtire.

Po ashtu fotografia dixhitale , te jep dhe mundesine e shikimit, modifikimit te fotos.
Tani kjo ka dhe te mirat dhe te keqijat e saj per mendimin tim.
Eshte pozitiv fakti qe ti ke mundesi ta kontrollosh sakaq nje foto psh. te nje vendi dhe te shkrepesh nje foto tjeter nese ngelesh e/i pakenaqur nga foto e meparshme.Po ashtu mund dhe te punosh me programe te ndryshme ne kete foto.
Une ne fakt deri me sot kam qene kundra perdorimit te programeve tip photoshop neper fotografi.Majde dhe kjo ka qene arsyeja e shtyrjes per ta mesuar kete program, pasi çdokush qe merret me fotografi e ndjen brenda vetes manine per estetiken te rritet perhere e me shume.
Me thene te drejten druhesha se mos e kaloja cakun e modifikimit te fotos.Deri me sot ne fotografite e mia ka pasur vetem disa ndryshime te vogla (tip rritje kontrasti,ngjyrash,kthim ne b&zi apo sepia).Ka disa kohe qe luaj dhe pak me tonet ne disa nga fotot e mia.
Dhe kam filluar ta shikoj photoshop-in me ca sy me tolerues:)
Mos te keqkuptphet , une jam 100% kundra "berjes tualet" te nje fotoje.Sepse ka dhe foto te pashpresa, pra foto prej te cilave nuk mund te marresh asnje ndjesi teksa i sheh edhe nese jane perdorur mjeshterisht teknikat e mesiperme.


Por jam e mendimit se ka shume foto ne te cilat mund te perdoren disa nga elementet e mesiperime vetem dhe vetem ne rastin kur ato kane per qellim te paraqesin diçka te re apo kur perdoren me qellim perfitimin e nje atmosfere te cilin fotografi/ja ka pasur ne mendje teksa ka shkrepur foton por qe veçorite e aparatit nuk ja bejne te mundur.
Ne raste te tilla teknika te tilla kane nje efekt krijues dhe ekspresiv, po aq sa dhe rinovues.
Gjithashtu jam kundra paragjykimeve te ngurta se sot çdokush mund te behet fotograf , duke perdorur programe dhe duke bere modifikime te ndryshme.
Askush nuk mund te behet fotograf , duke e pispillosur nje foto.Por nese dikush arrin te paraqese diçka unike duke perdorur stilin e vet ne nje menyre te veçante, pse jo?
Nuk me duket e dobishme , marrja ne patronazh apo kufizimi i fotografise vetem mes disa stileve te caktuara.Me duket se e vret mundesine e shprehjes se artit figurativ.

Sepse siç thashe me lart , te fotografuarit eshte nje art dinamik dhe si i tille , ndryshime me qellime rinovuese ose me shprehi te papara me para ne art , duke u perpjekur per te paraqitur ndjesi, forma te ndryshme ne nje kend te ri i falin fotos nje aura te re, te pakten keshtu mendoj une.
Dhe per tu kthyer ne temen kryesore mendoj se tere keto veprime jane me te lehta dhe mundesohen me ane te aparateve dixhitale.

Ndersa fotografia analoge mendoj se behet e mundur pas perfeksionimit te fotografit/es , si nga ana teknike ashtu dhe nga ana pamore (syri) duke e bere te mundur keshtu shkrepjen e fotove perfekte , pa pasur nevoje te shkrepen disa foto rrjesht.Megjithese ne fakt te njejten gje mund te praktikojme dhe me aparatin dixhital.Pas njefare kohe te stervitjes se syrit , dora juaj do te behet me e perkore dhe shkrepjet do te rrallohen.

Nga ana tjeter une per vete mendoj se aparatet dixhitale jane dhe me te sinqerta per kohen ku jetojme , pasi atmosfera dhe elementet e ndryshme qe na rrethojne tani jane shume me te ndryshme nga shume vite me pare.
Nuk mund te gjesh me aq me lehtesi te njejtat vende, te njejtat sjellje ne shoqeri, te njejtin afrim mes njerezve, te njejtin rehatllek, te njejten shtriqje te shkaktuar nga afersia.
Kete mund ta vesh re shume mire ne fotografite e shkrepura 40-50 vite me pare psh.

Por ne ditet e sotme çdokush dhe çdo vend ka pesuar nje ndryshim total, ka nje lloj padurimi, ane siperfaqesore ne çdo skaj.
Ndaj mendoj se aparatet dixhitale jane me efikase ne "paralizimin " e kesaj bote ku çdo gje ka marre nje aspekt dhe vlere kalimtare.

Ky eshte mendimi im.Do te doja shume te dija mendimin tuaj ne kete teme miq.